Saturday, December 16, 2006

പ്രഭീഷ് പി.ബി

ഒരു നേര്‍ത്ത വിരല്‍പ്പാട്
ഏകാന്തതയുടെ നീര്‍കുമിളകള്‍
മനസ്സിനെ തലോടിക്കൊണ്ടിരുന്നു.
ആഗ്രഹിച്ചതിനുമപ്പുറം
പുതിയ വെളിച്ചം വന്നതും
ഒരു നേര്‍ത്ത വിരല്‍പ്പാടായിരുന്നുവോ

പലനാളും പലനേരവും
അതൊരു കണ്ടെത്തലായില്ല.
പഴയകാല ഓര്‍മ്മകളില്‍
പുതിയതായി ഒന്നുമില്ല!.
ഇരുട്ടില്‍ മാഞ്ഞു പോയതും
തെറ്റായതു ശരിയായി
എന്ന തോന്നല്‍.
വേര്‍പാടിന്‍റെ ഒരു ചിറകാര്‍ന്ന
നൊമ്പരമാകുന്നു എന്ന സത്യം
സത്യം അസത്യമായതും
അസത്യം സത്യമായതും
ഒരു ഉണര്‍ന്ന പ്രഭാതമായിരുന്നു എന്ന തോന്നല്‍.

0 Comments:

Post a Comment

<< Home